ఆంధ్రభారతి - కవితలు - బసవరాజు అప్పారావు గీతాలు - 017. కోణంగిపద్దు - తెలుగు గేయములు - తెలుగు పాటలు

17. కోణంగిపద్దు

పన్నెండేళ్ళ చిన్నాడే
పైట కొల్ల గొన్నాడే
అడగవమ్మ అడగవమ్మ
అమ్మ యశోదమ్మా!

    చీకటైన కాలేదే,
    రాకపోక లాగలేదే!
    లోకానికి జడవొద్దా?
    పోకిళ్ళకి అదుపొద్దా?    పన్నెండేళ్ళ...

ఇంటి కిల్లాలినిగాదే
కంటబడితె తంటాలౌనె!
అంటె నీకు కోపమొద్దే
కొంటీ కోణంగిపద్దే! పన్నెండేళ్ళ..

    వొట్టే నలుగురిలో తల
    గొట్టినట్టు లాయెనమ్మ!
    ఏంతో టబ్బరాలైనా
    ఇంతపనులు జేసేనా?

పన్నెండేళ్ళ చిన్నాడే
పైట కొల్ల గొన్నాడే
అడగవమ్మ అడగవమ్మ
అమ్మ యశోదమ్మా!

AndhraBharati AMdhra bhArati - kavitalu - basavarAju appArAvu gItAlu - 017. kONaMgipaddu - basavarAju appArAvu geetaalu - Basavaraju Appa Rao - Basavaraju Apparao geeyamulu gEyAlu geeyaalu geeyAlu paatalu pATalu - telugu kavitalu - tenugu andhra ( telugu andhra andhrabharati )