కవితలు బసవరాజు అప్పారావు గీతాలు 083. నా ముక్తి
83. నా ముక్తి
    బతుకు బరువు మోయలేక
    చితికి చివికి డస్సివాడి
    పికరుపుట్టి పారిపోయి
    ఒకడనె యేతోటలోనొ
పాట బాడుతుండగ నాప్రాణి దాటి యేగేనా?
ప్రాణిదాటి యేగుతుండ పాట నోట మోగేనా?
    పాపఫలము నెత్తణచగ
    బతుకుతెరువు వేరులేక
    దాసుడనై దాంపత్యపు
    తళుకు లొలక చిట్టితొ స
య్యాటలాడు తుండగ నా ఆయువు ముగిసేనా?
ఆయువుముగిసే అదునుకు ఆటలలో ఎగసేనా?
    కత్తిపోట్లు తిని తిని కడు
    గాయమైన పేదగుండె
    బీతువోవ పరవశాన
    ప్రియమారగ నాచిట్టిని
కౌగిలించుకుండగ నాకాయము సురిగేనా?
కాయము సురిగేవేళకు కౌగిలిలో కరిగేనా?
AndhraBharati AMdhra bhArati - kavitalu - basavarAju appArAvu gItAlu - 083. nA mukti - basavarAju appArAvu geetaalu - Basavaraju Appa Rao - Basavaraju Apparao geeyamulu gEyAlu geeyaalu geeyAlu paatalu pATalu - telugu kavitalu - tenugu andhra ( telugu andhra andhrabharati )