 |
    |
    |
 |
    |
    |
 |
| శతకములు | కృష్ణ శతకము |
|
| క. |
పంచేంద్రియమార్గంబులఁ గొంచెపు బుద్ధిని జరించి కొన్ని దినంబుల్ ఇంచుక సజ్జన సంగతి నెంచగ మిమ్మెఱిఁగినాఁడ నిప్పుడె కృష్ణా. |
51 |
| క. |
దుష్టుండ దురాచారుఁడ దుష్టచరిఁత్రుఁడను చాల దుర్బుద్ధిని నేఁ నిష్ట నిను గొల్వనేరను కష్టుఁడ నగు నన్ను కావు కరుణను గృష్ణా. |
52 |
| క. |
కుంభీంద్రవరద కేశవ జంభాసురవైరి దివిజ సన్నుత చరితా అంభోజనేత్ర జలనిధి గంభీరా నన్నుఁ గావు కరుణను గృష్ణా. |
53 |
| క. |
దిక్కెవ్వరు ప్రహ్లాదుకు దిక్కెవ్వరు పాండుసుతుల దీనుల కెపుడు\న్ దిక్కెవ్వ రయ్యహల్యకు దిక్కెవ్వరు నీవె నాకు దిక్కువు కృష్ణా. |
54 |
| క. |
హరి నీవె దిక్కు నాకును సిరితో నేతెంచి మకరి శిక్షించి దయ\న్ బరమేష్ఠి సురలు పొగడఁగ కరిఁ గాచిన రీతి నన్నుఁ గావుము కృష్ణా. |
55 |
| క. |
పురుషోత్తమ లక్ష్మీపతి సరసిజగర్భాది మౌనిసన్నుతచరితా మురభంజన సురరంజన వరదుఁడ వగు నాకు భక్త వత్సల కృష్ణా. |
56 |
| క. |
క్రతువులు తీర్థాటనములు వ్రతములు దానములు సేయ వలెనా లక్ష్మీ పతి మిముఁ దలచినవారికి నతులితపుణ్యములు గలుగు టరుదే కృష్ణా. |
57 |
| క. |
స్తంభమున వెడలి దానవ డింభకు రక్షించినట్టి రీతిని వెలయ\న్ అంభోజనేత్ర జలనిధి గంభీరుఁడ నన్నుఁ గావు కరుణను గృష్ణా. |
58 |
| క. |
శతకోటి భానుతేజా యతులితసద్గుణగణాఢ్య యంబుజనాభా రతినాథజనక లక్ష్మీ సతిహిత ననుఁ గావు భక్త వత్సల కృష్ణా. |
59 |
| క. |
మందుఁడ నే దురితాత్ముఁడ నిందల కొడిఁగట్టినట్టి నీచుని నన్ను\న్ సందేహింపక కావుము నందుని వరపుత్ర నిన్ను నమ్మితి గృష్ణా. |
60 |
 |
|