ఆంధ్రభారతి - శతకములు - వృషాధిప శతకము

చ.	పసిగ మెయిన్‌ వృషాధిపుని ప్రాణము జంగమకోటి ప్రాణముల్‌ మసలక యెత్తుచున్‌ భువన మాన్యచరిత్రతఁ దేజరిల్లు న మ్ముసిఁడిగ చౌడరాయనికి మున్నిటి భృత్యుఁడ! నిన్భజింతు న న్వసిగొని ప్రోవుమయ్య బసవా! బసవా! బసవా! వృషాధిపా!	91
ఉ.	ఎన్నఁగ జంగమంబుఁ దన యింటికి నెప్పుడు వచ్చునప్డు దాఁ గన్నము వెట్టితెచ్చి యధికంబగు నర్థము వానికిచ్చు నా కన్నడబ్రహ్మ సంయమికి గాదిలిభృత్యుఁడవైన నిన్ను శ శ్వన్నుతులన్‌ భజింతు బసవా! బసవా! బసవా! వృషాధిపా!	92
ఉ.	అసురవృత్తిఁ జూపఱు భయంపడి మ్రొక్కఁ బ్రసాద వహ్నిచే భూసురులిండు లన్నియును బొగ్గుల ప్రోఁకలుఁ సేయు ధూత సం త్రాసుల బిబ్బబాచయల దాసియనన్‌ విలసిల్లు సద్గుణా వాస! శరణ్యమయ్య బసవా! బసవా! బసవా! వృషాధిపా!	93
ఉ.	సుంకపుఁ బైఁడి భక్తులకుఁ జూరలు విడ్వఁ బసిండి క్రాగులన్‌ శంకరుఁ బూటవెట్టి నరనాయకుచేతను మ్రొక్కుగొన్న యా సుంకర బంకిదేవునకు సూనుడవైన ప్రసాది! దేవ! నీ వంకకుఁ ద్రిప్పుమయ్య బసవా! బసవా! బసవా! వృషాధిపా!	94
ఉ.	దివ్యవిమానపంక్తి దివిఁ దేజరిలన్‌ రజతాద్రికిన్‌ జగ త్సేవ్యముగాఁగ మున్ను దనచే మృతిబొందు మృగాళిఁ బుచ్చు సం భావ్యుఁడు తెన్గు జొమ్మయకుఁ బ్రాణసఖుండగు నిన్నుఁ గొల్తు దే వా వ్యసనాది దూర బసవా! బసవా! బసవా! వృషాధిపా!	95
ఉ.	చెన్నగు ప్రాణ లింగరతిచేగ ప్రసాదము పుట్టినిల్లు న త్యున్నత భక్తిసీమ శివయోగ సమగ్రత కల్మియైన మా యన్నకు నాది చెన్నబసవన్నకు సద్గురుఁడైన నిన్ను శ శ్వన్నుతులన్‌ భజింతు బసవా! బసవా! బసవా! వృషాధిపా!	96
చ.	అడరఁగఁ గళ్ళుచేసి రుచిరాన్నము లాదటనంది యిచ్చుచోఁ గడిఁగడి నందుకొంచు నతికాంక్షమెయి\న్‌ శివుఁడారగింపఁగా సడినను భక్తుఁడా సురియ చౌడయగారి ప్రసాది దేవ నీ వడుగఁ జుమయ్య జియ్య! బసవా! బసవా! బసవా! వృషాధిపా!	97
ఉ.	జంగమమారగింపక విషంబును మీకు ననర్హమంచుఁ దా ముంగల నారగించిన సముద్ధతభక్తియుతుండు సత్ప్రసా దాంగుఁడు శృంగిబొప్పయకు నగ్గలమైన మహానుభావ నీ వంగడమేఁ జుమయ్య బసవా! బసవా! బసవా! వృషాధిపా!	98
చ.	కొఱటను లేఁత పత్తిరియ గొడ్డునఁ బాలును రేయి జంగమం బఱిముఱివేఁడినన్‌ బడసి యా క్షణమాత్రన యిచ్చినట్టి యా మొఱటదవంక దేవునకు ముద్దుతనూజుఁడవైన నిన్ను నే వఱలఁగఁ బ్రస్తుతింతు బసవా! బసవా! బసవా! వృషాధిపా!	99
చ.	అనయము భక్తులీడ్యకులులంచును వేదములా ద్విజోత్తముల్‌ విన నుతియింపఁ గుక్కఁ జదివించిన హావినహళ్ళికళ్ళి దే వునకు ననుంగువాడవని యుత్సుకతన్‌ నుతియింతు భక్తహృ ద్వనజవిహారలోల బసవా! బసవా! బసవా! వృషాధిపా!	100