ఆంధ్రభారతి - శతకములు - కుమార శతకము

క.	మర్మము పరులకుఁ దెలుపకుఁ దుర్మార్గున చెంత నెపుడు దూరకు, మిల దు ష్కర్మములఁ జేయ నొల్లకు, నిర్మలమతి నుంట లెస్స నిజము కుమారా!	101
క.	సారమతి నిటుల తిరిగెడి పూరుషరత్నంబు కీర్తిఁ బొందుచు ధరపై గోరినకోర్కె ఫలము శ్రీ మీఱ ననుభవించుచుండు మిగులఁ గుమారా!	102
క.	ఇల ఫక్కికులోద్భవుఁడ ప్పల నరసింహాఖ్యుఁ డిట్టి పద్ధతులు ధరం గల బాలుర కెల్ల గుణం బులు కలుగఁగ వెలయఁజెప్పె బుద్ధి కుమారా!	103
క.	పదునెనిమిదివందల యఱు వది యగు క్రీస్తుశకమందు వరరౌద్రిని మే లొదవ రచింపబడె ని య్యది బాలురకొఱకుఁ బౌష మందుఁ గుమారా!	104